خاص : كريم كبارة ” للناس” ماذا عن أعضاء اللائحة.  

نجح المرشح كريم كبارة في أول اطلالة سياسية له في كسر الصورة النمطية السائدة عن وريث ( ابو العبد) .

الشاب الذي لطالما عمل خلف ستارة والده النائب محمد كبارة، كان تولى في السنوات الأخيرة ادارة حركة الشارع ومعالجة مشاكل المواطنين ، مبتعدا عن الظهور الاعلامي، وهو امر كانت له سلبياته، على الشاب الذي اتهم عند العامة بأنه مجرد وريث لنائب لا ينكر احد أن له حيثية شعبية في المدينة.

بالأمس خرج كريم إلى الاعلام خلال إعلان لائحة ” للناس” التي تشكلت من تحالف النائب كبارة وتيار العزم، فكان الأجدر من بين أعضاء اللائحة بتسميتها ” للناس”، خصوصا أن بين المرشحين ضمنها أناس لا يعرفون الناس ولم يسمعوا يوما باوجاعهم وكانوا خذلوهم مرارا وتكرارا.

وخلال الاعلان عن اللائحة على

مسرح الرابطة الثقافية بحضور شعبي من أبناء الدائرة الثانية (طرابلس المنية والضنية)  قال كريم :” أنا كريم كبارة على الهوية، إسمي عبد الكريم كبارة.. يعني أنا إبنو لأبو العبد كبارة.

‏من 30 سنة لليوم بابنا ما تسكر ولا يوم..

‏كسبنا ثقة ‏الناس حتى صار الشعار “نثق بهذا الرجل”..

صحيح أبو العبد فتحلي أبواب كتيرة، بس لو ما أنا بحب خدمة الناس ومتربى ع خدمة الناس ما كنت معكم اليوم.

يا جماعة خلينا نركز على الأولويات..

‏ما فيني احكي عن الاصطفافات الإقليمية وأنا جوعان!

‏ما فيني احكي عن شرق وغرب وانا قاعد بلا كهرباء!

ما فيني نظّر بالعلاقات الدولية وأنا عايش بلا دوا..

خلينا نكون واقعيين ونفكر بحالنا لنعيش بكرامة‏

من وقت ما وعينا ع الدني.. والناس عايشة بخوف وقلق، ومستقبلا ومستقبل ولادا مجهول، حتى وصلو أنو ما حدا ما بيقدر يخطط لساعة لقدام لأن البلد واقف ع كلمة أو بالأصح على كف عفريت..

هيدا الخوف بيقتل الأمل والطموح وبوصل لليأس، والنتيجة هجرة للشباب وتفريغ للوطن من الطاقات.. نحنا بحاجة لبلد مستقر حاضن للكفاءات القادرة تخطط لمستقبل واعد..

عم نسمع نظريات وشعارات غريبة عجيبة وهيدا الشي تعودنا عليه لأنا بموسم إنتخابات، بس ياريت هيدي الغيرة تبقى ع مدار الاربع السنين وما تكون موسمية، ويا ريت هيدول يضلوا بطرابلس مش يعملوها محطة بس للانتخابات، لأن

طرابلس بتستاهل..